Energimerking av boligar og bygningar

Innsending skal skje før sal eller utleige, ev. før nybygg får ferdigattest. Plikta trer i kraft 01.07.2010.

For å bruke tenesta treng du fullmakt til enten enkelttenesta eller tilgangpakken tenesta ligg i. Les meir på hjelpesidene.

For energimerking blir data lagt direkte inn i dataløysinga. For energivurdering av tekniske anlegg blir resultatrapporten lasta opp til løysinga.

Energimerkeordninga er basert på at eigaren av ei bygning eller ein bolig har plikt til å leggje fram ein energiattest m.a. ved sal og utleige. Energiattesten kan bli skaffa til vege ved å gi den naudsynte informasjonen til det web-baserte Energimerkesystemet. Eigaren kan leggje inn informasjonen sjølv, eller delegere oppgåva ved å gi andre den naudsynte tilgangen. For boligar vil det vere mogleg å gjennomføre energimerkinga med relativt få opplysningar. For kompliserte bygg, og bygningar som det er gjort vesentlege endringar på, vil det som regel vere behov for betydelig meir informasjon.

Eigaren av bygningar med kjeleanlegg og klimaanlegg av visse typar plikter også å utarbeide ei energivurdering om den tekniske standarden til desse anlegga.