Tildeling av objektidentifikator

Organisasjonar som ønskjer å få tildelt ein objektidentifikator.

Hensikta med å ha ei norsk anbefaling for tildeling av objektidentifikatorar, er å sikre globalt eintydige identifikatorar som kan bli brukt i samanheng med all open datakommunikasjon. Global eintydigheit blir sikra ved at det er anerkjente og samarbeidande registreringsautoritetar som tildeler objektidentifikatorar til interessentar.

Lov om elektronisk kommunikasjon (ekomloven)

Forskrift om nummerressurser for elektroniske kommunikasjonsnett og -tjenester (nummerforskriften), § 39 om tillatelse til bruk av objektidentifikatorer

Nasjonal kommunikasjonsmyndigheit (Nkom) har i samarbeid med interesserte aktørar utarbeidd dokumentet «Tildeling av objektidentifikatorer i Norge». Tildelingsordninga er frivillig, og det er inga lover eller forskrifter som krev at anbefalinga blir følgt.

Anbefalinga definerer korleis tildeling og registrering av objektidentifikatorar blir gjort i Noreg. 

Gebyr

Ved tildeling av ein objektidentifikator skal mottakaren av identifikatoren betale eit gebyr til Nkom. Gebyret skal dekkje dei administrative kostnadene Nkom har i samband med tildelinga.