Produksjon av sjokolade, honning og sukkervarer

Skjemaet skal brukast når personar eller bedrifter/verksemder startar med eller utvidar omfanget av produksjon av sjokolade, honning og sukkervarer.

For honningverksemder skal skjemaet brukast dersom du skal fungere som grossist og distribuere honning i stort omfang, eller selje til detaljistar utanfor ditt lokalområde. 

Birøktarar som berre produserer og slyngjer honning for direkte sal til sluttbrukar, til lokal detaljist eller til honningsentral, skal ikkje bruke dette skjemaet.

Personar eller bedrifter/verksemder som er omfatta av registreringsplikta for produksjon av sjokolade, honning og sukkervarer skal bruke skjemaet.

Dette skjemaet er plassert i tilgangspakke “Næringsmiddel, drikkevarer og tobakk”. Har du denne tilgangspakken frå før, så vil du også ha tilgang til dette skjemaet. 

For å fylle ut og sende inn skjemaet for ein person eller verksemd/bedrift, må denne ha gitt deg fullmakt via Altinns tilgangsstyring. Sjå Altinn - Ny tilgangsstyring (beta).

Om du er dagleg leiar for føretak/undereining har du automatisk tilgang til å fylle ut og sende inn skjemaet. Privatpersonar har også automatisk rett til å representere seg sjølve på Altinn. 

Dersom privatperson eller verksemd/bedrift ikkje ønskjer å gi ein person tilgang til alle skjema i ein tilgangspakke, så kan dei gi tilgang til skjemaet som ei enkeltteneste.

Det er ingen krav til vedlegg for dette skjemaet.

Det er eit krav i regelverket at du skal vere registrert hos Mattilsynet dersom du produserer sjokolade, honning og sukkervarer. Mattilsynet skal også ha beskjed om vesentlege endringar i aktivitetar/omfang, og når verksemda blir lagd ned.

Opplysingane blir brukte til å tilpasse rettleiing, planleggje risikobasert tilsyn og forbetre rapportering.

Mattilsynet har ei samleside med informasjon til deg som driv med produksjon, distribusjon og servering av mat og drikke.

Der er det også ei eiga side med rettleiing for produksjon og sal av honning.