Produksjon av drikkevarer
Teneste for å registrere aktivitetar knytte til produksjon av drikkevarer.
I skjemaet skal du oppgi omfang av drifta, kva typar drikke du produserer. Det er fire val: produksjon av alkoholhaldige drikkevarer, produksjon av drikkevarer/leskedrikker, produksjon av kjeldevatn og produksjon av naturleg mineralvatn.
Naturleg mineralvatn og kjeldevatn skal vere godkjent av Mattilsynet før det kan marknadsførast. Verksemder som produserer andre drikkevatn på flaske (leskedrikk) skal vere registrerte.
Dersom du lagar drikke som ein del av drifta av kafé eller serveringsstad, skal du ikkje bruke dette skjemaet.
Når skal skjemaet brukast?
Tenesta blir brukt når personar eller bedrifter startar med eller utvidar omfanget av produksjon av drikkevarer, og dessutan når ein legg ned produksjonen. Dersom det skjer endringar i leiing, nøkkelpersonell eller registrerte representantar, må dette også oppdaterast.
Kven skal bruke skjemaet?
Personar eller bedrifter som driv med industriell eller småskala produksjon av drikkevarer er omfatta av registrerings- eller godkjenningsplikta og skal bruke skjemaet.
Du skal ikkje bruke skjemaet dersom du har eit serveringsstader som berre lager eller serverer drikke til gjester, eller har butikk som sel ferdigprodusert drikke.
Dette skjemaet er plassert i tilgangspakke “Næringsmiddel, drikkevarer og tobakk”. Har du denne tilgangspakken frå før, så vil du også ha tilgang til dette skjemaet.
For å fylle ut og sende inn skjemaet for ein person eller verksemd/bedrift, må denne ha gitt deg fullmakt via Altinns tilgangsstyring. Sjå Altinn - Ny tilgangsstyring (beta).
Om du er dagleg leiar for føretak/undereining har du automatisk tilgang til å fylle ut og sende inn skjemaet. Privatpersonar har også automatisk rett til å representere seg sjølve på Altinn.
Dersom privatperson eller verksemd/bedrift ikkje ønskjer å gi ein person tilgang til alle skjema i ein tilgangspakke, så kan dei gi tilgang til skjemaet som ei enkeltteneste.
Kvifor skal skjemaet brukast?
Det er eit krav i regelverket at du skal vere registrert eller godkjend hos Mattilsynet om du produserer drikkevarer. Mattilsynet skal også ha beskjed om vesentlege endringar i aktivitetar/omfang av drifta, og dessutan når verksemda blir lagd ned.
Opplysningane du sender inn blir brukt til å tilpasse rettleiing, planleggje risikobasert tilsyn, forbetre rapportering og styrke beredskap.
Kva skjer etter at du har sendt inn opplysningane dine?
Om du driv ein registreringspliktig aktivitet, kan du starte opp straks etter at du har sendt inn opplysningane dine - du treng ikkje vente på inspeksjon frå Mattilsynet. Driv du derimot ein godkjenningspliktig aktivitet (til dømes produksjon av naturleg mineralvatn), må du vente på inspeksjon og godkjenning før oppstart. Mattilsynet tek kontakt med deg så snart vi har fått opplysningane, som regel innan 3 veker. Behandling av godkjenningssøknad er gebyrpliktig. Dersom søknaden har manglar eller at produksjonen ikkje oppfyller regelverket, kan du få avslag.
Søk etter nyttig informasjon om temaet på Mattilsynet.no
Treng du hjelp?
Mattilsynet svarer på spørsmål knyttet til utfylling av skjemaet.
Ring oss på 22 40 00 00 Åpningstider: 09.00 til 11.00 og 12.00 til 15.00 (hverdager).