Godkjenning av dyretransportør eller dyretransportmiddel

Skjemaet skal brukast når verksemder eller privatpersonar treng godkjenning for å starte med næringsmessig transport av dyr, eller treng godkjenning for transportmiddel som skal brukast til næringsmessig transport av dyr på reiser over 8 timar.

Skjemaet skal også brukast ved behov for regodkjenning.

Personar eller bedrifter/verksemder som er omfatta av godkjenningsplikta i regelverket skal bruke denne tenesta.

Dette skjemaet er plassert i tilgangspakke “Vegtransport”. Har du denne tilgangspakken frå før, så vil du også ha tilgang til dette skjemaet.

For å fylle ut og sende inn skjemaet for ein person eller verksemd/bedrift, må denne ha gitt deg fullmakt via Altinns tilgangsstyring. Sjå Altinn - Ny tilgangsstyring (beta).

Om du er dagleg leiar for føretak/undereining har du automatisk tilgang til å fylle ut og sende inn skjemaet. Privatpersonar har også automatisk rett til å representere seg sjølve på Altinn.

Dersom privatperson eller verksemd/bedrift ikkje ønskjer å gi ein person tilgang til alle skjema i ein tilgangspakke, så kan dei gi tilgang til skjemaet som ei enkeltteneste.

Ved næringsmessig transport av dyr er det eit krav i regelverket at transportør, og dessutan transportmiddel som skal brukast til reiser over 8 timar, har godkjenning frå Mattilsynet. Formålet er å sørgje for at dyr under transport blir godt behandla og blir verna mest mogleg.

Informasjon om kva dokumentasjon du må leggje ved finn du på Mattilsynets nettsider om godkjent transportør eller godkjenning av transportmiddel for dyretransport

Mattilsynet har ei samleside med informasjon om transport av dyr: Næringsmessig transport av dyr | Mattilsynet.

På denne samlesida finn du mellom anna informasjon om krava og kva dokumentasjon du må leggje ved når du søkjer om å bli godkjent transportør eller når du søkjer om godkjenning av transportmiddel for dyretransport