Driftsplan for akvakulturanlegg med stamfisk og matfisk i sjø

Skjemaet blir sendt inn årleg innan 1. oktober. Ved vesentlege endringar i drifta skal du sende inn oppdatert plan så snart som mogleg.

Skjemaet skal brukast av innehavarar av løyve til drift av akvakulturanlegg med stamfisk og matfisk i sjø uavhengig av kva art som blir oppdretta og uavhengig av om de planlegg å ta lokaliteten i bruk i perioden.
Ved samdrift – der to eller fleire aktørar har fisken i sameige på same lokalitet – skal de sende inn éin felles driftsplan.
Ved samlokalisering – der to eller fleire aktørar driv på same lokalitet utan sameige – skal kvar verksemd sende inn sin eigen driftsplan.
Driftsplan ligg i tilgangspakka Akvakultur i Altinn. Dagleg leiar i verksemda kan delegere tilgang. Les meir: Sjekk tilgangane for verksemda og roller i | Altinn Mattilsynet

Krav om driftsplan følger av Akvakulturdriftsforskrifta § 40.

Driftsplanen skal omfatte dei to neste kalenderåra. Han skal innehalde opplysingar om utsett, drift, flytting og brakklegging. Mattilsynet behandlar og gjer vedtak for det første året av driftsplanen. Vedtaket gjeld godkjenning av flytting og brakklegging.