Rapport over samla flygeaktivitet (NF-2015)

Luftfartsselskap skal fylle ut og sende inn rapport over flygeaktivitet kvar månad.

Fristen for å levere rapporten er den 10. i påfølgjande månad.

Alle norske luftfartsselskap som driv med kommersiell luftfart skal bruke skjemaet. Selskapet skal rapportere all flygeaktivitet, også eventuell ikkje-kommersiell flyging.

Opplysningane i skjemaet skal gi Luftfartstilsynet oversikt over aktiviteten i norsk luftfart. Saman med andre data bidreg opplysningane til å belyse tilstand og utvikling for flytryggleiken, som Luftfartstilsynet bruker for å innrette arbeidet sitt og for å informere offentlegheita.

Opplysningane kan gis vidare i statistisk form. For flytryggleiksføremål kan meir detaljerte opplysningar delast med andre, så framt Luftfartstilsynets teieplikt tillèt det.