Rapportering av slakt

Rapporteringsskjemaet skal brukast av slakteri som rapporterer direkte til Landbruksdirektoratet.

For å kunne representere eit føretak ved bruk av denne tenesta må du ha primærnæring- og næringsmiddelrolla. Meir informasjon om rolletildeling finn du på nettsida til Altinn.

På Landbruksdirektoratet sine nettsider kan du lese meir om tilskot og avgifter på slakt og finne brukarrettleiing til skjemaet. Der finn du også informasjon og lenker til aktuelle forskrifter.
Rapporteringa er søknad om refusjon av utbetalt tilskot for slakt levert frå føretak og er grunnlag for innkreving av avgifter for den same slaktemengda. Det er føretak/produsenten som mottek tilskot og betaler omsetningsavgift, mens slakteriet betaler forskningsavgift.

Slakteriet får tilgang til:

• rapporteringsskjemaet
• tidlegare rapporteringar
• oversikt over alle avrekningar som er sendt inn elektronisk
• oversikt over slakta mengde per produsent

Slakteria må rapportere og sende inn skjemaet LDIR-830 B "Rapportering av slakt" i utfylt stand seinast den 15. i månaden etter at slakta blei avrekna. Denne fristen framkommer nå av fristforskrifta. Slakteria kan søkje Landbruksdirektoratet om førehandsgodkjenning av avvikende rapporteringsperiodar.

Dersom søknaden om frakttilskudd for transport av slaktedyr blir sendt inn etter fristen, altså etter den 15. i påfølgande månad, vil Landbruksdirektoratet avvise søknaden og slakteriet får ikkje utbetalt frakttilskot for den aktuelle månaden, jf. overnevnte fristforskrift. Bestemmelsen i same forskrift åpner imidlertid opp for at Landbruksdirektoratet i særlege tilfelle kan gi dispensasjon frå søknadsfristen. Utbetaling av frakttilskotet skjer direkte frå Landbruksdirektoratet til slakteriet i medhald til innvilga mengde.