Godkjenning av organisasjonar som kan inngå avtalar med utvidd verknad i samsvar med bestemmingar om avtalelisens

Følgjande dokumentasjon skal vere vedlagt søknaden:

Søkar må leggje fram relevant dokumentasjon som viser at kravet til representasjon er oppfylt, t.d. fullmakter frå rettshavarar. Også dokumentasjon som viser at organisasjonen er egna til å forvalte rettar på området, t.d. informasjon om system for rettighetsforvaltning, vil vere relevant for søknaden.

Krav til ytterlegare dokumentasjon vil gå fram under behandlinga av søknaden. Krava til dokumentasjon kan variere, og Patentstyret vil i kvar enkelt sak opplyse om kva for ein dokumentasjon som blir kravd.

LOV-2018-06-15-40 Lov om opphavsrett til åndsverk m.v. §63 tredje ledd.

Kriterium/vilkår:

Søknaden rettast til Patentstyret, post@patentstyret.no.

For å bli godkjent må søkar (på det området godkjenninga gjeld) vere ein organisasjon som representerer eit betydeleg tal opphavsmenn til verk som blir brukte i Noreg, og vera eigna til å forvalta rettane på området, jf. åndsverkslova § 63 tredje ledd.

Gebyr:

Det er ikkje knytt gebyr til søknaden.

Saksbehandlingstid:

Saksbehandlingstida kan variere alt etter kor omfattande søknaden er. Fristen skal likevel ikkje overstige 6 månader etter at all naudsynt dokumentasjon er lagt fram, jf. forskrift til åndsverklova § 33.

Klagerett:

Avgjerda frå Patentstyret er eit enkeltvedtak som kan klagast på etter forvaltningslova §§ 28 og 29. Klagefristen er tre veker. Klageinstansen er Klagenemnda for mediesaker (Medieklagenemnda).