Skjenkjeløyve for skjenking av alkoholhaldig drikk på tog og fly

Firmaattest (ikkje eldre enn 1 år), skatteattest på sentrale personar, internkontrollrutinar samt konseptskildring må leggjast ved søknaden.

Lov om omsetning av alkoholholdig drikk mv. (alkoholloven)

Forskrift om omsetning av alkoholholdig drikk mv.

Dersom det skal skjenkast alkohol ombord på fly eller tog som er offentlege transportmiddel og som går i innanrikstrafikk, må det søkjast Helsedirektoratet om statleg skjenkjeløyve.

Søkar skal vere den som driv verksemda på si rekning.  Det vil seie at det i utgangspunktet er togselskapet som søkjer om løyve. Dersom eit togselskap har satt bort skjenking av alkohol til eit cateringselskap, er det cateringselskapet som skal søkje om løyve.

Kriterium/vilkår:

Det blir stilt krav til registrering i Føretaksregisteret før løyve blir gjeve.

Løyvehavar og personar med vesentleg innverknad på verksemda må ha utvist uklanderleg vandel i forhold til alkohollovgjevinga og bestemmingar i anna lovgjeving som har samanheng med alkohollova sitt formål, i tillegg til skatte- og avgifts- og rekneskapslovgjevinga.

For kvart løyve må det utpeikast ein styrar og ein avløysar. Desse må vere over 20 år, ha plettfri vandel og dokumentert kunnskap om alkohollova.

Merknader:

Skjenking av alkoholhaldig drikk ombord på fly eller tog som er offentlege transportmiddel og som går i innanrikstrafikk, krev at det ligg føre eit statleg skjenkjeløyve.

Helsedirektoratet om skjenkebevilling på tog, fly og skip

Søknadsgebyr:

Det blir ikkje kravd søknadsgebyr, men løyvegebyr på grunnlag av forventa omsett mengde alkoholhaldig drikk jf. alkoholforskrifta §6-1 og §6-2

Klagerett:

Løyve for skjenking av alkoholhaldig drikk på tog og fly, jf. alkohollova §5-2 er eit enkeltvedtak som kan klagast på til Helse- og omsorgsdepartementet etter forvaltningslova § 28 og 29.

Ei eventuell klage må vera skriftleg og grunngitt. Klaga sendast til postmottak@helsedir.no.