Skjenkjeløyve for skjenking av alkoholhaldig drikk på skip
Du må søka statleg skjenkebevilling dersom du skal servera alkoholholdige drikk på eit skip som blir sett på som eit kollektivt transportmiddel. Det same gjeld for cruiseskip på turar av fleire dagars varigheit. Søknaden om skjenkebevilling på skip skal sendast Statsforvaltaren i det fylket skipet er registrert.
Om denne tenesta
Firmaattest må leggjast ved søknaden. Det skal også leggjast ved ei konseptbeskriving og opplysning om eigarar av selskapet.
Skjenking av alkoholhaldig drikk ombord på skip som er offentlege transportmiddel og som går i innanrikstrafikk, krev at det ligg føre eit statleg skjenkjeløyve. I tillegg kravd slikt løyve for cruiseskip med turar på fleire dagars varigheit.
Søkar skal vere den som driv verksemda på si rekning. I utgangspunktet vil dette vere reiarlaget. Dersom eit reiarlag har sett bort skjenking av alkohol til eit cateringselskap, er det cateringselskapet som skal søkje om løyve.
Kriterium/vilkår:
Det blir stilt krav til registrering i Føretaksregisteret før løyve blir gjeve.
Løyvehavar og personar med vesentleg innverknad på verksemda må ha utvist uklanderleg vandel i forhold til alkohollovgjevinga og bestemmingar i anna lovgjeving som har samanheng med alkohollova sitt formål, i tillegg til skatte- og avgifts- og rekneskapslovgjevinga.
For kvart løyve må det utpeikast ein styrar og ein avløysar. Desse må vere over 20 år, ha plettfri vandel og dokumentert kunnskap om alkohollova.
Søknadsgebyr:
Det blir ikkje kravd søknadsgebyr, men løyvegebyr på grunnlag av forventa omsett mengde alkoholhaldig drikk jf. alkoholforskrifta §6-1 og §6-2
Klagerett:
Løyve for skjenking av alkoholhaldig drikk på skip, jf. alkohollova §5-2 er eit enkeltvedtak som kan klagast på til Helse- og omsorgsdepartementet etter forvaltningslova § 28 og 29.
Ei eventuell klage må vera skriftleg og grunngitt. Klaga blir send til statsforvaltaren.
