Løyve til å drive eigedomsmekling mot godtgjersle

Følgjande dokumentasjon skal vere lagd ved søknaden:

• Firmaattest.
• Føretaket sin forretningsplan

- budsjett for første driftsår per månad
- talet på tilsette ved oppstart, og talet på planlagde tilsetjingar første driftsår
- opplysningar om kva type eigedom føretaket planlegg å formidle

• Erklæring frå fagansvarleg om at vedkomande tek på seg ansvaret for verksemda.
• Revisorstadfesta (ISRE2410) delårsrekneskap ikkje eldre enn to månader. Rekneskapen skal vere avgjeve etter prinsippa i rekneskapslova og god rekneskapsskikk, der inntekter og kostnader skal vere periodiserte (medrekna skattar og avgifter). For nystifta føretak (stiftingsdato mindre enn to månader sidan) er det tilstrekkeleg at det går fram av firmaattesten at aksjekapitalen er betalt inn i sin heilskap.
• Stadfesting frå føretaket sitt styre om at eigenkapitalen er vurdert som forsvarleg. Vurderinga skal grunngjevast.
• Stadfesting frå føretaket sitt styre om at det er fastsett skriftlege rutinar for korleis meklinga skal utførast, jf. eigedomsmeklingslova § 3-3.
• Opplysningar om kven av medlemane av styret som har eigedomsmeklingsfagleg kompetanse, jf. eigedomsmeklingslova § 2-9 første ledd.
• Opplysningar om eigarar.
• Viljeserklæring frå fagansvarleg.

Andre krav til søknaden:

• Føretaket må ha stilt sikkerheit for verksemda. Melding om sikkerheitsstilling skal sendast direkte frå sikkerheitsstillar til Finanstilsynet.
• Fagansvarleg, dagleg leiar og styremedlemar (også varamedlemar) skal sende inn politiattest (ikkje eldre enn tre månader) og skjema med vurdering av om ein er eigna jf. rundskriv 14/2015.

LOV 2007-06-29 nr 73: Lov om eiendomsmegling § 2-3, jf. § 2-1.

Kriterium/vilkår:

Det blir stilt krav til registrering i Føretaksregisteret før løyve blir gitt.

Føretaket sine styremedlemmer og dagleg leiar skal ha relevante kvalifikasjonar og yrkeserfaring. Fagansvarleg må ha eigedomsmeklarbrev, advokatbevilling eller særskild løyve for juristar.

Krav til at føretaket har fast kontorstad i Noreg, men Finanstilsynet kan i enkeltvedtak gjere unntak frå kravet.

Lov om eiendomsmegling §§ 2-4 til 2-9 stiller krav til føretaksform, eigenkapital og tryggleiksstilling. Vidare stiller dei krav om tilslutnad til klagenemnd samt ønskjelege eigenskapar for viktige eigarar, styremedlemmer, dagleg leiar og fagansvarleg.

Føretak som driv eigedomsmekling kan berre drive verksemd som har ein naturleg samanheng med eigedomsmekling, og som ikkje er eigna til å til å svekkje tilliten til føretaket sin integritet og sjølvstende.

Tilsette og personar med tilsvarande tilknyting til føretaket som driv eigedomsmekling, i tillegg til eigarar og tillitsvalde i slike føretak kan normalt deltek i den daglege drifta kan ikkje:

- Selje eigedom gjennom den aktuelle verksemda.
- Drive direkte eller indirekte drive handel med fast eigedom.
- Drive anna verksemd som er eigna til å svekkje tilliten til føretaket sin integritet og sjølvstende.

Meir informasjon om ordninga finn du på Finanstilsynet sin nettstad.

Saksbehandlingstid:

I medhald av eigedomsmeklingslova § 2-3 fjerde ledd er det fastsett særskilde saksbehandlingsreglar for søknad om løyve til å drive eigedomsmekling. Frist for behandling av søknader er fastsett til tre månader. Reglane i tenestelova om at løyve blir rekna som gitt når saksbehandlingsfristen er ute, gjeld ikkje for søknad om løyve til å drive eigedomsmekling.

Gebyr :

Nei, Finanstilsynet krev ikkje gebyr for slik søknad. 

Klagerett:

Vedtaket kan klagast på innan tre veker etter at vedtaket er motteke. Klage blir send til Finanstilsynet. Klageinstans er Finansdepartementet. Ein part har rett til å gjera seg kjend med dokumenta i saka innanfor rammene av forvaltningslova §§ 18 til 19