Løyve til innsamling, mottak og øydelegging av eksplosiv vare

Søkjaren må dokumentere nødvendig kunnskap om dei aktuelle eksplosiva som skal gjerast til inkjes.

Dersom søkjaren ikkje har løyve til oppbevaring av eksplosiv, må søknad om løyve sendast inn samstundes dersom det er aktuelt.

Politiattest som ikkje er eldre enn 3 månader.

FOR 2002-06-26 nr 922: Forskrift om håndtering av eksplosjonsfarlig stoff § 16-5.

FOR 2017-06-15 nr 844: Forskrift om sivil håndtering av eksplosjonsfarlige stoffer (eksplosivforskriften) kap. 8.

Kriterium/vilkår:

Det er krav om at søkjar er over 18 år.

Det er krav at søkjar er skikka og har tilstrekkelege kvalifikasjonar for å oppfylle kravet til sikker handtering.

Det krevst at søkjaren må ha løyve til oppbevaring av eksplosiv.

Merknader:

Løyve til innsamling, mottak og øydelegging gjeld ikkje automatisk for alle typar eksplosiv. I løyvet vert det presisert nærmare kva typer eksplosiv det gjeld for.

Søkjar må sende søknad til DSB, med beskriving av kva for kompetanse søkjar har, kva for framgangsmåte som skal nyttast ved øydelegging og beskriving av stad øydelegging skal skje. Det må også opplysast om kva for typar eksplosiver ein søkjer om løyve til å øydelegge.

Saksbehandlingsfristar:

Direktoratet for samfunnstryggleik og beredskap skal stadfeste mottak av søknaden din innan ein månad etter at den er motteken, og informere om eventuelle manglande dokument eller feil ved søknaden.

DSB skal ha avslutta behandlinga av søknaden innan tre månader etter at søknaden var komplett

Gebyr: 

Direktoratet for samfunnstryggleik og beredskap krev ikkje gebyr for behandling av søknad om godkjenning.

Klage på vedtak:

Når Direktoratet for samfunnstryggleik og beredskap har fatta eit vedtak, har du moglegheit til å klage på dette vedtaket etter reglane i forvaltningslova kapittel VI.