Utlodding – faktisk leiing – eigarar konkursbu

Skjemaet blir sendt inn:

• når det finst eigarar som har eller har hatt meir enn 20 % av aksjane dei siste fem åra, i samsvar med konkursregisterforskrifta § 3 1. ledd nummer 7.

• dersom du under bubehandlinga finn andre personar enn dei som er melde til Einingsregisteret, som i praksis har fungert som dagleg leiar og styreleiar i selskapet, i samsvar med konkursregisterforskrifta § 3 1. ledd nummer 11 c)

• når det er lodda ut i konkursbuet, i samsvar med konkursregisterforskrifta § 3 1. ledd nummer 9. Loddinga blir i tillegg gjort tilgjengeleg for kreditorane i samsvar med konkurslova § 128.

For å fylle ut og sende inn dette skjemaet må du ha skrivetilgang i konkursbuet. Rolla vert automatisk tildelt til den som er registrert som bustyrar i konkursbuet. Bustyrar kan delegere skrivetilgang til andre ansatte ved advokatkontoret, til dømes andre advokatar, advokatfullmektig og sekretær.

Når skjemaet blir brukt til å sende inn sluttutlodding eller etterutlodding, må oversendingssskrivet til kreditorane og utteljingslista alltid leggjast ved som vedlegg. Når faktisk leiing og eigarar vert rapportert, skal det ikkje leggjast ved vedlegg.

Skjemaet skal brukast til å rapportere eigaropplysningar, praktisk styreleiar, praktisk dagleg leiar og utlodding til Konkursregisteret. Når skjemaet blir sendt inn via Altinn, blir opplysningane registrert i Konkursregisteret. Utloddingsdokumenta blir i tillegg lagt ut i tenesta Konkursbehandling.