Innrapporteringar konkursbu

Skjemaet sendast til Konkursregisteret samstundes som du sender rapporten til tingretten. Rapporten skal gjerast tilgjengeleg for kreditorar, skyldnaren og Konkursregisteret i samsvar med konkurslova §§ 120 og 122, samt konkursregisterforskrifta § 7.

For å fylle ut og sende inn dette skjemaet må du ha skrivetilgang i konkursbuet. Rolla vert automatisk tildelt til den som er registrert som bustyrar i konkursbuet. Bustyrar kan delegere skrivetilgang til andre ansatte ved advokatkontoret, til dømes andre advokatar, advokatfullmektig og sekretær.

Det vert krevd tryggleiksnivå 4 for utfylling og signering av skjemaet. Vedlegg vert krypterte under sending.

Det må leggjast ved anten ein midlertidig rapport, ei årsframstilling eller sluttrapportering til skjemaet.

Føremålet med skjemaet er å gjere innrapporteringane i bubehandlinga tilgjengeleg for kreditorar og andre via tenesta Konkursbehandling, og samstundes få registrert nøkkelopplysningar og innrapporteringa i Konkursregisteret. Når skjemaet med vedlegg blir sendt inn via Altinn, blir innrapporteringa lagt ut i tenesta Konkursbehandling og registrert i Konkursregisteret.