Årsrekneskap (RR-0002)

Årleg rapportering.

Innleveringsfrist

Alle verksemder med rekenskapsplikt skal sende årsrekneskapen til Rekneskapsregisteret innan ein månad etter at han er fastsett av generalforsamlinga eller tilsvarande organ.

For å unngå forseinkingsgebyr må komplett årskrekneskap sendast via Rekneskapsregisteret sine skjema i Altinn seinast 31. juli.

Har årsrekneskapen sluttdato i perioden 01.01.-30.06., er fristen seinast 31. januar.

Om komplett årsrekneskap ikkje er send til Rekneskapsregisteret innan fristen må du betale forseinkingsgebyr.

Alle rekneskapspliktige etter rekneskapslova rekneskapslova § 1-2 har innsendingsplikt til Rekneskapsregisteret i Brønnøysund.

For å fylle ut og sende inn dette skjemaet treng du ei rolle i verksemda. Alternativt må du ha ein av tilgangspakkene: 

• rekneskap og økonomirapportering 

• rekneskapsførar med signeringsrett 

• rekneskapsførar utan signeringsrett 

• rekneskapsførar lønn 

• ansvarleg revisor 

• revisormedarbeidar 

I ein overgangsperiode har du også tilgang med Altinn-rollene  

• utfyllar/innsender 

• rekneskapsmedarbeidar 

• rekneskapsførar med signeringsrett 

• rekneskapsførar utan signeringsrett 

• ansvarleg revisor 

• revisormedarbeidar 

Manglar du desse rollane må du få nokon til å gi dem til deg.  Sjå hjelpesidene om roller og rettar.

Det er også mogleg å delegera Altinn 2-roller til juni 2026, her ser du korleis. 

Årsrekneskap (RR-0002) består av:

Hovudskjema

Her fyller du ut opplysningar om årsrekneskapen. Aksjeselskap fyller også ut opplysningar om revisjon og rekneskapsføring. Når opplysningane er lagde inn, vel du «Neste».

Rekneskapssskjema

Her vel du «Fyll ut», og kjem til skjema for å leggja inn rekneskapsopplysningar. Du må leggje inn valør og valuta, og fylle inn rekneskapstall i resultatrekneskap og balanse. Verksemder som følgjer rekneskapsreglane for små føretak fyller også ut notar, og her er det eit minimumskrav til å leggja inn talet på årsverk i rekneskapsåret. For å komma til vedleggssida etter at notane er lagde inn, kan du anten gå til siste side i «Notar» og trykkja «Fullfør rekneskapsskjema», og deretter «Neste». Alternativt kan du velja «Tilbake til hovudskjema» og velja «Vedlegg» i menyen.

-  NORSKREGISTRERT UTANLANDSK FØRETAK (NUF) 

NUF som leverer årsrekneskap for både det utanlandske føretaket og den norske avdelinga skal leggja inn rekneskapstala for det utanlandske føretaket i rekneskapsskjemaet. Årsrekneskapen for den norske avdelinga legg du med som filvedlegg saman med dokumenta for det utanlandske føretaket. Kontaktperson i NUF har også tilgang til å fylla ut og signera skjemaet.

Vedlegg

Her finn du oversikt over kva vedlegg du skal leggja til. Små føretak fyller ut notar i skjemaet, og treng ikkje å leggja med årsmelding eller kontantstraumsoppstilling. Om de heller ikkje har revisjonsplikt (sjå revisorlova § 2-1 for ev. unntak), er det ikkje nødvendig med filvedlegg. Følgjer de ikkje rekneskapsreglane for små føretak, må de leggja med notar, årsmelding, kontantstraumsoppstilling og i dei fleste tilfella revisjonsrapport som filvedlegg.

- UTANLANDSK KONSERNREKNESKAP

Rekneskapspliktige morselskap som sjølv er dotterselskap av eit morselskap som høyrer heime i ein EØS-stat, kan nytte den utanlandske konsernrekneskapen om den norske verksemda er ein del av dette. Om den rekneskapspliktige sitt morselskap ikkje høyrer til ein EØS-stat, må du leggje med dispensasjon frå Skattedirektoratet for å få nytte det utanlandske morselskapet sitt konsernrekneskap. Utanlandsk konsernrekneskap leggjer du med som filvedlegg. Du skal ikkje å legge inn dei utanlandske konserntala i vedleggsskjema, men i så fall må du oppgi i hovudskjemaet.

-  KRAV TIL VEDLEGG

Det er ikkje krav til å skanna originaldokumenta. Du kan leggja ved dokument som både biletfiler og tekstfiler (t.d. Word). Tryggleiken blir vareteken ved at innsendar har rolle/rett for innsending av årsrekneskapen via Altinn, og ved at innsendar stadfestar at den innsende årsrekneskapen er fastsett av kompetent organ. Derfor er det ikkje krav om at årsrekneskap som blir send til Rekneskapsregisteret er underskrive. Når du er ferdig, vel du «Neste».

Du skal berre leggja ved dokument med relevans til årsrekneskapen som filvedlegg. Andre typar førespurnader kan du senda på e-post til  firmapost@brreg.no . Årsrekneskapen og vedlagde dokument blir offentleggjorde. 

For at Rekneskapsregisteret skal kunna behandla filvedlegget, skal det ha ein av følgjande filtypar:

Filtype	Dokument
docx	Word
doc	Word
rtf	Tekstformat
xlsx	Excel
xls	Excel
pdf	Bilde
jpg	Bilde
jpeg	Bilde
ods	Open document regnearkformat
odt	Open document tekstformat
tif	Bilde
tiff	Bilde
png	Bilde

Det finst likevel variantar som fører til at dokumenta ikkje blir tilgjengelege for Rekneskapsregisteret:

1. Dokument der det ikkje er meldt filtype i namnet.
2. Om ei biletfil blir kopiert over i eit Word-dokument, kan biletet bli breiare enn margane - dette fører til at dokumentet blir ufullstendig. Legg derfor det skanna dokumentet ved som filvedlegg.
3. Om innsendaren har definert eit utskriftsområde som ikkje tek med all teksten i eit Excel-dokument, vil berre det merkte området vere synleg i kontrollen vår.

Har du dokument med filtype Page eller Numbers, må desse lagrast som Word/Excel-fil eller pdf før innsending. Alternativt må dokumenta skannast og leggjast ved.

Berekraftsrapportering

Frå rekneskapsåret 2024 skal store føretak av allmenn interesse med over 500 tilsette levera årsmelding med berekraftsrapportering saman med årsrekneskapen. Dette gjeld om lag 100 verksemder, som skal fylla ut følgjande opplysningar i skjemaet:

• kva berekraftsrapporteringsstandard som er brukt (må fyllast ut)
• kva berekraftsrapporteringstaksonomi som er brukt (valfri)
• dersom det er oppgitt taksonomiar, skal også versjonsnummeret leggjast inn
• Lei-nummer (valfri)

Dersom det er oppgitt taksonomi, skal årsmelding, inkludert berekraftsrapportering vera i formata *iXBRL og XHTML. Filene pakkar du i ei zip-fil, som du legg ved som filvedlegg.

Dersom det ikkje er oppgitt taksonomi, skal årsmelding og berekraftsrapportering leggast som filvedlegg i tekst- eller bildeformat (for eksempel Word eller pdf).

Rekneskapsregisteret nyttar skjemaet til registrering av opplysningar frå årsrekneskapen, og som dokumentasjon på innregistrerte opplysningar. Forskrift til rekneskapslova § 8-2-1 krev at innsending skal gjerast elektronisk via Altinn.

Lovheimel for oppgåveplikta.

Hovudskjema

På side to kan du leggje inn e-postadresser, slik at Rekneskapsregisteret kan sende melding på e-post når årsrekneskapen er saksbehandla. Varsel blir også sendt på e-post til varslingsadresser som verksemda har i Altinn. Har de lagt inn berre mobilnummer som varslingsadresse i Altinn, sender vi varsel på SMS.

- Rekneskapsreglar

Er årsrekneskapen satt opp etter forenkla anvending av IFRS, skal du krysse av for både "Rekneskapslova sine alminnelege reglar" og "Forenkla anvending av IFRS" på side to i hovudskjemaet. Du må også huke av for kva rekneskapsreglar konsernet nytter om du legg med vedleggsskjema med tala for konsernrekneskapen.

Rekneskapsskjema

Rekneskapsskjemaet byggjer på ein fast oppstillingsplan for resultatrekneskap og balanse. Ved utfylling i Altinn legg du også inn noteopplysningane i vedleggsskjemaet, om verksemda følger rekneskapsreglane for små føretak. Minimumskravet er at du fyller inn talet på årsverk. Om du bruker tidlegare versjon av skjemaet, og skal levera både selskapsrekneskap og konsernrekneskap, må du leggja til to vedleggsskjema. Du melder på første sida om tala er for selskapsrekneskapen eller konsernrekneskapen.  I ny versjon av skjema, skjer dette automatisk.  

I rekneskapsskjema har du moglegheit til å leggje inn eigne tekstar i 43 av postane. Om du ikkje legg inn tekst, gjeld teksten som er meld i skjemaet. Ved å velje "Set inn element", som ligg i underkant av posten, får du ei ny rad for å leggje inn ny post. Denne funksjonaliteten kan nyttast om du ønskjer å spesifisere posten ytterlegare (splitte ein standardpost i fleire postar). Denne funksjonaliteten vil også bli mogleg på ny versjon av skjema i løpet av hausten.

- Valør

Du må melde i vedleggsskjemaet om tala blir rapporterte i heile tal, tusen eller million. Vel du tusen eller million, blir tala multipliserte med høvesvis 1 000 eller 1 000 000 når Rekneskapsregisteret mottek skjemasettet.

Noteopplysningar i skjemaet har samme valuta og valør som du oppgir for regnskapstallene.

- Valuta

I vedleggsskjemaet må du velje valuta frå nedtrekkslista. Hovudregelen er at valuta skal vere Norske kroner.

Før innsending

Når du går vidare etter å ha fylt ut skjema og lagt til eventuelle vedlegg, får du ei oppsummering av opplysningane som er lagde inn i skjema. Her kan du kan avdekkja eventuelle feil. Ser det greitt ut, vel du «Til signering» og deretter «Signer og send inn».

Tilbakemelding

Ved innsending til Rekneskapsregisteret får verksemda elektronisk tilbakemelding om motteken årsrekneskap.

Verksemda får vedtaket om årsrekneskapen i innboksen i Altinn, med varsling på e-post eller SMS, når saksbehandlinga er utført.

Rekneskapsregisteret sender e-post til e-postadressene som blei gitt i skjema for årsrekneskapen og til kontaktinformasjonen i Altinn. For å åpne vedtaket i Altinn, må du ha Adobe Reader installert.

Om årsrekneskapen blir nekta, og vedtaket i Altinn ikkje blir opna, sender Rekneskapsregisteret eit nytt varsel etter ei uke.