Søk om godkjenning av bemanningsføretak
Alle verksemder som skal leiga ut arbeidskraft som bemanningsføretak, må frå 1. januar 2024 vere godkjend av Arbeidstilsynet. Det er berre verksemder med ei slik godkjenning som lovleg kan leiga ut arbeidstakarar som bemanningsføretak.
Alle bemanningsføretak som får godkjenning av Arbeidstilsynet, vil bli oppført i ei oversikt over offentleg godkjende bemanningsføretak på arbeidstilsynet.no.
Kven skal bruke skjemaet?
Alle verksemder som skal tilby utleige av arbeidskraft som bemanningsføretak, må søke om godkjenning. Bemanningsføretak er verksemder som har som hovudformål å tilby utleige av arbeidskraft.
Det er hovudeininga i verksemda som søker om godkjenning som bemanningsføretak på vegner av alle undereiningane i verksemda.
Tilgang til skjemaet
Tilgangspakkar
Sende inn skjema
Personen som skal sende inn skjemaet for verksemda dykkar, må ha rett fullmakt gjennom ein tilgangspakke i Altinn. For dette skjemaet må personen ha éin av følgande tilgangspakkar:
Fullmaktsområde Forhold ved virksometen: «Starte, endre og avvikle virksomhet»
Fullmaktsområde Andre tjenesteytende tjenester: «Tjenester NUF»
Motta post
For å få post frå oss må du ha følgjande tilgangspakke:
«Ordinær post til virksomheten»
Les meir om dei nye tilgangspakkane i Altinn og korleis de gir fullmakter
Personen som skal sende inn skjemaet for verksemda kan også ha tilgang til skjemaet som ei enkeltteneste. Denne enkelttenesta heiter:
«Søk om godkjenning av bemanningsforetak»
Tilgang som enkeltteneste
I tillegg må de gi fullmakt til denne enkelttenesta for å kunne melde frå til Arbeidstilsynet om endringar:
«Varsel om tilbakekalling av godkjenning som bemanningsforetak»
«Årlig melding for bemanningsforetak»
Kva skal eg leggje ved?
I søknaden må alle legge ved
- dokumentasjon på vernetenesta dykkar
- døme på ulike typar arbeidsavtalar
- forsikringsbevis som viser at de har aktiv yrkesskadeforsikring
- rutinar som viser at de sikrar likebehandling av lønns- og arbeidsvilkår
Bemanningsforetak som ikkje er registrert som aksjeselskap (AS) eller allmennaksjeselskap (ASA) i Noreg, eller tilsvarande AS eller ASA i andre EØS-land, må legge ved ein garanti frå bank eller forsikringsselskap.
Bemanningsføretak som er registrert i utlandet må legge ved dokumentasjon på registreringsforholdet frå heimlandet. Alle utanlandske føretak registrert i Noreg som skal driva verksemd i Noreg, og som ikkje har fast forretningsstad eller heimstad i Noreg, skal ha eller oppnemna ein representant. Representanten må ha heimstad eller fast forretningsadresse i Noreg.
Les meir om vedlegga og innhaldet i søknaden (arbeidstilsynet.no)