Gratis rettleiing om å starte og drive bedrift
Gratulerer med etableringa! Vi vil gjerne hjelpe deg vidare.
Å starte og drive bedrift i Noreg kan vere utfordrande. Derfor har myndigheitene fleire tiltak som skal gjere det enklare for deg.
På Altinn - Starte og drive bedrift finn du relevant og nyttig informasjon som du treng for å drive næringsverksemd. Her er du alltid sikker på at informasjonen du finn er oppdatert og lett tilgjengeleg. Sidan informasjonen er tverretatleg slepp du sjølv å leite etter riktig informasjon på ulike offentlege nettstader.
Treng du rettleiing og tips på vegen?
Ta gjerne kontakt med brukarstøtta vår, Bedriftsrettleiing, i kontortida på telefon 800 33 840. Tenesta er gratis.
Det er ei glede for meg å ønskje deg lukke til!
Med vennleg helsing
Lars Peder Brekk
direktør, Brønnøysundregistra
Du kan stole på informasjonen du finn på Altinn - Starte og drive bedrift, den er kvalitetssikra og godkjend av etatane som eig informasjonen. Her er nokre av informasjonseigarane: Brønnøysundregistera. Skatteetaten, NAV, Statistisk sentralbyrå, Patentstyret, Arbeidstilsynet, Innovasjon Noreg, Forskningsrådet og SIVA.
